صرخت فى حزنى وقلت
إرحمنى ياربى
شيل الحزن اللى
جوايا متخبى
لا تشمت فيا العدو
ولا حد يغدر بى
أصل الخطية مرار
وهى اللى طاحت بى
نجينى من وسط النار
ولا الأشرار تلعب بى
يا مصدر الأنوار
نور طريق دربى
يا منبع الأفراح
إملا بالأفراح قلبى
صرخت فى ضيقى وقلت
إرحمنى يايسوع
اتحنن على ابن ضال
قلبه صبح موجوع
الخطية بعيد أخدته
ولا يعرف طريق رجوع
تاه فى وسط الزحام
اتخدع وصار مخدوع
قال هايجرب الاستمتاع
اتاريه ماشى فى الممنوع
تايه وسط الظلام
عينيه غرقانة دموع
خلى صوته يوصل لك
خلى نداه مسموع
زادت دموعه ياسيد
وقلبه إليك مرفوع
صرخت فى حزنى وقلت
اسمعنى يا حبيب
إقبل صلاة فتاك
ولتوبته إستجيب
إزاى أكون إبن الملك
وانا عايش تايه غريب
دفعت دمك الغالى
فرحت فيا قلب كئيب
ياللى كلام النعمة
خارج من فم الحبيب
إنتشلنى من الضلمة
من مصير أسود رهيب
داوى جراح قلبى
خلى الجراح تطيب
قدوس وإنت فى عرش مجدك
قدوس وإنت على الصليب