عندك ألم؟
حاسس بالندم؟
حاسس إنك كنت السبب؟
إن إلهك ساب عرش مجده
ياللعجب
وعشانك إتهان وإتشتم؟
وإتجلد وإتصلب؟

 

عندك ألم؟
ضميرك صاحى؟
قادر تقول لعينيك
نامى......... وإرتاحى؟
وإنت ظالم؟.......... وإنت كاره؟
وإنت طول العمر تايه؟
أخذت أيه من كرهك؟
أو من كذبك؟
أو من الغضب؟

عندك ألم؟
أو كراسة وتكتب فيها خطاياك؟
وتتذكر مراحم الرب وكم أعطاك؟
فرصة تتوب ولا انتش تايب
مانت طول العمر.......... خايب
ياإبنى........ أنت فى طريقك للهلاك
اللحظة دى صحيح ملكك
لكن بكرة............؟
تضمن إنه يكون وياك؟

عندك ألم؟
طب عندك أمل؟
وانه قبل ماتتطفى شموعك
ترجع تجرى لحضن يسوعك؟
وتقول له غلطت...... سامحنى..... إرحمنى
يسوع واقف مستنى رجوعك
يابنى اشترى الملكوت بدموعك
وحزن الخطية وهم الخطية
من على كتفك راح يتحجب.