لما ابويا نام
وقال ياولاد سلام
مسك الختام
مش هاقدر أشوفكم تانى
ولا راح تجمعنا أيام
ولا أبص جوة عينين ولادى
ألمحها من وسط الزحام
ولا أجاوب على سءال
ولا يمكن نتبادل كلام
طبطب عليا أبويا الغالى
ورشمنى بالصليب من بعيد
وقال لى مع السلامة يابنى
هاستناك من جديد
خلف حدود الأيام
هاتلاقينى فوق الزمن
فوق كل الحدود
قاعد مستنيك هناك
لازم لحضن أبوك تعود
انا فاكر يابويا
ليلة ما جانى الخبر
كأن شئ جوايا انكسر
لا كانت دموعى ملاحقانى
كان الكلام دمع وعبر
كان السكوت دمع وعبر
وقف الزمان فى الليلة دى
لا مر الزمان ولا عبر
وقف التاريخ عشان يسجل
عظيم زمانه من كل البشر
آه
فاكر صليبك
أصل أنا إبنك حبيبك
ياما فرحت لما سمعت صوتك
وحزن قلبى ابتدى من يوم مغيبك